Vit hava fingið loyvi frá danska Parkinsonforeningen at vísa føroyingum á teirra ráðgevingartænastur. Tað er ikki neyðugt at vera limur, hvørki í føroyska ella danska Parkinsonfelagnum, fyri at brúka telefontænasturnar.
Vit vita væl, at øll ikki eru líka stinn í donskum, og at tilboðið tí ikki er líka atkomiligt fyri øll. Vit vóna tó, at onkur kann fáa gagn av tí, um tørvurin ikki longu verður nøktaður aðrastaðni í føroysku skipanini.
Í nýggjari tíð hava vit ikki fingið fyrispurningar um slíka ráðgeving, so vit vita í roynd og veru ikki, hvussu stórur tørvurin er.
Nakað av tørvinum verður uttan iva longu nøktaður við tilboðnum frá neurologiska ambulatoriinum, har sjúkrarøktarfrøðingar hava telefontíð yrkadagar kl. 10.30–12.30 á tlf. 30 45 00, lokalnr. 6273 og 6274.
Harafturat ber til at fáa samband við Parkinson-sjúkrarøktarfrøðingarnar á telduposti: neuroamb@ls.fo