Hevur tú Parkinson sjúkuna og hevur hug til at fáa meira rørslu inn í gerandisdagin, so hevur tú nú møguleikan fyri at luttaka á Parkinsonliðnum, sum Terapideildin hjá Heilsu- og umsorgarnartænastuni skipar fyri. Tú skalt verða fólkapensjónistur, hava staðfest Parkinson sjúku og verða búsetandi í Tórshavnar Kommunu. Her umframt skalt tú megna at ganga innandura uttan gonguhjálpartól. Venjingin fer framm í hølunum hjá FIMI og eftirfylgjandi vil møguleiki verða fyri sosialari samveru og kaffi. Tað er serstakliga umráðandi fyri fólk við Parkinson sjúkuni at halda seg virknan, tí rørsla kann: - Betra um ágóðan av heilivágnum - Fyribyrgja tunglyndi - Fyribyrgja hjartaæðrasjúku - Minka um kensluna av møði og vantandi orku - Strimbra um kogniativa førleikar sum t.d at hugsa, analysera og minnast. - Varðveita og menna javnvágin og gangi førleikan - Fyribyrgja og minka um vandan fyri dysfagi ( svølgtrupulleikar) Venjingarhættir: Vit taka støði í LSVT BIG sum venjingarháttur,og sum er grundaður á rúgvismikla gransking innan Parkinson. Herumframt arbeiða vit eisini útfrá aðrari týðandi og væl grundaðum venjingarháttum. Tá veðrið loyvir tí, venja vit uttandura. Tíð og stað : Vit byrja 18.februar 2025. Vant verður tvær ferðir um vikuna. Týsdag og hósdag kl 13-14 í FIMI í Gundadali. Eitt skeið er á 16 vikur og kostar tilsamans 836 kr. Hevur hetta tín áhuga, ert tú forvitin eftir at vita meira ella hevur spurningar, ert tú vælkomin at seta teg í samband við okkum á telefon 302000, ella skriva okkum ein teldupost heilsuhusid@torshavn.fo Vinarliga Terapideildin, H&U tænastan í Tórshavnar kommunu