Tilboðið viðlíkahaldsvenjing er nú víðkað til at fevna um allar heimabúgvandi borgarar, í aldrinum 18 ár til pensiónsaldur, við skerdum førleikum ella sjúku, ið hava ávirkan á gerandisdagin. Tilboðið inniheldur fyrsioterapeutiska og ergoterapeutiska venjing, umframt taluvenjing, sum eftir tørvi kann samskipast við deildina Samskiftismenning. Venjingin kann innihalda : Kropsliga venjing, Venjing í gerandisaktivitetinum, Kognitiva venjing, Meistring og handfaran av avbjóðandistøðum í gerandisdegnum. Viðlíkahaldsvenjing hevur til endamáls at fyribyrgja førleikamissi, fasthalda verandi førleika ella fyri at seinka sjúkugongdina. Víðlíkahaldsvenjing verður í høvuðsheitum veitt sum bólkavenjing. Umframt víðlíkahaldsvening bjóða vit framvegis endurvenjing. Mett verður í hvørjum einstøkum føri , hvat rætta tilboðið er. Umsóknarblaðið til venjing liggur á heimasíðuni av.fo undir oyðubløð. Vilja tit vita meira um venjingartilboðini inni á heimasíðuni av.fo, trýst fyrst á Tænastur so víðlíkahaldsvenjing ella endurvenjing.