Árliga Norðurlendska Parkinson Ráðstevnan verður í ár hildin í Føroyum dagarnar 3.-5. september, har umboð koma frá parkinson feløgunum í Danmark, Noreg, Íslandi, Svøriki og Finlandi.

Í hesum sambandi fáa vit vitjan av tveimum granskarum, ið fara at hava eina framløgu í part, har almenningurin eisini er vælkomin.

Fyrsta framløgan verður 4. September kl. 09:00-10:30 kemur Maria Skaalum Petersen at greiða frá um hennara gransking undir heitinum The gut microbiome in Parkinson’s disease – results from the Faroe Islands.

Tann 5. September kl. 11:00-12:00 kemur Jana Mortensen at hava eina framløgu um hennara gransking, ið hevur heitið Non-pharmacological interventions for people with cognitive impairments following Parkinson’s disease.

Báðar framløgurnar eru á enskum.

Tað er avmarkað pláss, og neyðugt er at tekna seg til framløgurnar. Tilmelding fer fram við at senda ein teldupost til parkinson.fo@gmail.com ella at senda eini boð til Parkinson felagið á Facebook. Seinasta freist at melda til er leygardagin 31. august 2024 kl. 12:00