04 september 2021
VØDDIN FYSIOTERAPI - bjóðar parkinsonvenjing

VØDDIN FYSIOTERAPI á Skála fer nú aftur at bjóða venjing til fólk við Parkinson.

Tað verður viðmælt at fólk við Parkinson fara til fysioterapeut hálva hvørt ár. Umframt hetta er sera
týdningarmikið at venja regluliga.


Tað er Anna Berg Danielsen, sum er fysioterapeutur og hevur fleiri skeiðir innan Parkinson, sum
aftur fer at hava venjingarnar.


Í Parkinson venjingini verða venjingarhættir nýttir sum eru mentir serliga til fólk við Parkinson.
Dentur verður lagdur á, at betra um kropsligu førleikarnar, so tað gerst lættari at røra seg og vera
kropsliga virkin í tí dagliga og harvið betra um lívsgóðskuna.


Fyri at rætta venjingina so væl til tann einstaka sum gjørligt verður tí byrjað við eini
byrjunarsamrøðu, har miða verður eftir at finnað útav núverandi kropsligum støði, hvørjar
avbjóðingar ein hevur og hvat mál hvør einstakur hevur og ynskir at røkka.
Møguleiki verður fyri at venja á liði í 1 tíma eina ferð ella tvær ferðir um vikuna í 8 - 10 vikur. Er
ynski um ella tørvur á einstaklingavenjing á klinikkini ella í egnum heimi, er hetta eisini ein
møguleiki.


Ætlanin er at byrja 7. sept.


Vit bjóða eisini einstaklingaviðtalu á klinikki ella í egnum heimi, har dentur verður lagdur á hvussu
vit best kunnu hjálpa, vegleiða og stuðla til ein lættari gerandisdag. Endamálið er eisini at halda
eyga við gongdini í mun til kropsligu førleikarnar, har man kann fanga møguligar nýggjar
trupulleikar longu í føðingini, so at teir ikki gerast ov stórir.

Ring til Annu á tlf. 526942 og fá nærri at vita ella fyri at melda teg til.

VØDDIN FYSIOTERAPI
Skálavegur 213 1. hædd 480 Skála

17 desember 2021
Kanning: Korona tíðarskeiðið havt noyliga ávirkan á fólk við parkinson og tey avvarandi kenna seg verða undir øktum trýsti
03 november 2021
Áheitan um samanhald og ikki lata sjúkuna sigla sín egna sjógv!
02 november 2021
Parkinson­felagið: Avlýsing vegna korona
02 november 2021
Parkinson­felagið: Avlýsing vegna korona
25 oktober 2021
Parkinson­felagið: Avlýsing vegna korona
22 oktober 2021
Parkinson­felagið vitjar í Vágunum
04 oktober 2021
Olympisku leikirnir fyri fólk við parkinson í Eindhoven 2022
17 september 2021
Ókeypis viðlíkahalds­venjing