Ein nýggj granskingarverkætlan á “Odense Universitetshospital og Syddansk Universitet” hevur spennandi úrslit at vísa á fyri framtíðar viðgerð fyri fólk við parkinson. Viðgerðin brúkar elektromagnetiskar impulser.
Í tíðindabrotinum, sum varð sent í tíðindasendingini hjá Danmarks Radio, er samrøða við Bent Ronan Jensen, sum er professari á neurologisku deild á Universitetssjúkrahúsinum í Odense, og sum hevur verið partur av granskingarverkætlanini. Eisini er samrøða við Astrid Blom, stjóra í danska parkinsonfelagnum og við Hannu Erbæk, sum hevur parkinson og sum hevur luttikið í sjálvari verkætlanini.
Neyvan bert tann eina viðgerin fyri Parkinson
Av tí at Parkinson er so ymiskt frá persóni til persón, verður viðgerðin/loysnin kanska ikki tann sama fyri øll. Tí hava vit tørv á eini røð av ymiskum viðgerðarhættum og tilboðum, soleiðis at vit kunnu takla støðuna hjá einstaka persóninum -tað vil siga persónlagaða viðgerð.
Hendan røðin kann hugsast at innihalda viðgerð og strategiir, sum kunnu:
- Seinka ella steðga sjúkugongdini.
- Endurskap ella umvæla skaddar heilakyknur.
- Fáa tak á ávísum sjúkueyðkennum
- Fanga (diagnostisera) Parkinson so tíðliga sum gjørligt í sjúkutilgongdini.
Hetta kann merkja viðgerðir við heilivági, heilaskurð og/ella lívsstílsbroyting, so sum at eta rætt og venja regluliga.
Les og síggj meira um spennandi granskingarverkætlanina her