01 apríl 2023
Parkinsonfelagið stuðlar áhugaverdari føroyskari granskingar verkætlan
  • Jana Mortensen saman saman við nevndarlimum í Parkinsonfelagnum á aðalfundinum.

Á aðalfundinum hjá parkinsonfelagnum 18.mars varð avdúkað at felagið hevði latið 80.000 krónur úr Jarðarferðargrunninum til at gera eina vísindaliga grein bygda á vísinda liga bókmentaleiting innan: “ ...ikki- farmakologisk tiltøk í samband við kognitivar avbjóðingar við Parkinsonsjúku...”.

Tað eru Ása Róin, lektari og Jana Mortensen, námslektari, báðar frá Fróðskaparsetri Føroya, sum standa fyri granskingarverkætlanini. Jana segði m.a. í framløgu á aðalfundinum hjá Parkinsonfelagnum, at tørvur er á at fáa yvirlit yvir ikki-farmakologisk tiltøk til fólk við parkinson.
 
- Endamálið við hesi verkætlanini er tí at gera eitt “scoping review”, fyri miðvíst at kortleggja, hvørji tiltøk eru til fólk við parkinson við kognitivum avbjóðingum og hvussu hesi virka.“Reviev´ið” ella bókmentagjøgnumgongdin, vil geva vitan um, hvørjar evidensgrundaðar interventiónir eru kannaðar til fólk við Parkinsons sjúku og kognitivum avbjóðingum, hvørji eyðkenni tær hava og møguligan virknað
 
- Úrslitini verða miðla í viðurkendum tíðarritið og út til fólk við parkinson og avvarðandi gjøgnum Parkinsonfelagið og til sjúkrarøktarfrøðingar gjøgnum “Vøku”.
Harafturat verða úrslitini miðlað í  fakligum samanhangi, í viðkomandi granskingarbólkum og í akademiskari eftirútbúgving.
 
Bókmentagjøgnumgongdin er fyrsti partur av eini størri verkætlan, sum hevur til endamáls at avdúka, hvørjir rehabiliteringstørvir eru millum fólk við Parkinson, serliga við atliti til kognitivar avbjóðingar í gerandisdegnum.  Tann verkætlanin verður framd  í einum granskingarsamstarvi millum  Syddansk Universitet, Fróðskaparsetur Føroya og Deildini fyri Arbeiðs – og Almannaheilsu, sum við Mariu Skaalum Petersen, seniorgranskara, á odda, stendur fyri eini røð av parkinsongranskingum her í Føroyum.
 
Verkætlanin vil soleiðis  verða grundarlag undir víðari menning av bæði praksis   og gransking innan hetta økið, sum fólk, ið liva við Parkinsons sjúku og kognitivum avbjóðingum, meta hava týdning, fyri at verða før fyri at virka í gerandisdegnum.

07 mars 2024
2023 var á ymiskan hátt sera avbjóðandi
07 mars 2024
2023 gjørdist eitt
03 februar 2024
Parkinson­felagið hevur aðalfund leygar­dagin 2. mars kl. 12:00.
12 november 2023
Hugnaløta tann 11. november 2023
28 oktober 2023
Parkinson­felagið skipar fyri limafundi í Havn
22 oktober 2023
Parkinson i arbeidslivet
22 oktober 2023
Yvirmedisinering – ein vaksandi trupulleiki
26 mai 2023
Við Parkinson­felag­num í Skótahúsi­num í Runavík tann 17.mai.