Vaksin við raddartrupulleikum:

Tosa vit um raddartrupulleikar hjá tilkomnum fólki, er vanligt, at tey hava eitt ella fleiri av hesum sjúkueyðkennum:

• hæsi eftir at hava tosað ella sungið
• ein kensla av at vera turrur í hálsinum
• røddin er móð, eym ella sár og kann svíkja viðhvørt
• røddin ljóðar ørvísi enn hon plagar
• klumpkensla er í hálsinum
• mann hevur trongd til at harka og hosta nógv
   

Orsøkirnar til raddartrupulleikar kunnu verða fleiri m.a.:

• óhóskandi ella skeivt raddarbrúk
• kenslulig tyngd ella strongd
• krím ella hálsbruni
• sjúka í andaleiðini td. kol, astma ella ovurviðkvæmi
• avleiðingar av skurðviðgerð
• nervasjúka
• árin frá umhvørvi
• depressión, ótti ella onnur sálarlig árin
• væntandi likamsorka
• onnur sjúkueyðkenni
   

Mett verður um raddarstøðuna út frá samrøðum, upplestri, spontantalu, ymsum ljóðvenjingum, andadrátti og raddarstuðli. Síðan verður støða tikin til tørvin á vegleiðing og venjing.

http://www.talaoghoyrn.fo